هو موت بطئ
يجي بالقلب اطيب من الطيب ويطيب
هو شي خبيث
يجي بالراس ولا الصدر ومنه ما يطيب
هو جرح اليم
من صابه يقول الآآآه
ونسمع منه الانين
الم يذبح ...الم يقتل...الم كللله ونين
يجي ولا ينطر
احد منا يرده وكلنا نخافه ونحتريه
يختار موقعه من الجسد ومايدري اللي اختاره هو فقير او امير
اشوفها يمي تتآكل بعد ماكان صوتها يترس المكان
من يساره لليمين
نخاف من اقبل زولها واقول ابله ليش ما ترحمين
كيف ترحمنا واهي بداخلها احشاء تتآكل واحنا ايدينا مكتفين وواقفين
ومدري ان المرض وصلج يا ام الملايين
صوتج كان يهز جبال وقلبج كان فوق الخيال
بكلمتن منج هالمدرسه تغير بدايه حروفها
من الالف الين الميم
فاطمه انتي ويا حظج بهالاسم وياحظ هالاسم فيج
خذا شعرج
خذا صوتج
خذا صحتج
وخذاج منا اليوم
وياليتج ترجعين والله لو ترجعين
والله لو ترجعين.....لاهديج شعر آيه وهاله ونسرين
والله لو ترجعين \
والله لو ترجعين لافديج بحبال صوتي وفوقهم حبلين
بس انتي لو ترجعين
صحه الدنيا كلها ترخصلج وفوقهم صحتين
كيماوي الدوا وربي بلاج بالمرض وفيه
وهذيلا بناتج يما
جيهان واماال واماني لج من الداعين
عفيه يما لا تزعلين بالجنه
انتي كنتي من الصابرين
ويرحمج رب العالمين
ليست هناك تعليقات:
إرسال تعليق